Poésie : Qui a toutes ses hontes

Titre : Qui a toutes ses hontes

Poète : Charles d'Orléans (1394-1465)

Recueil : Rondeaux.

Qui a toutes ses hontes beues,
Il ne lui chault que l'en lui die,
Il laisse passer mocquerie
Devant ses yeulx, comme les nues.

S'on le hue par my les rues,
La teste hoche a chiere lie.
Qui a toutes ses hontes beues,
Il ne lui chault que l'en lui die.

Truffes sont vers lui bien venues ;
Quant gens rient, il fault qu'il rie ;
Rougir on ne le feroit mie ;
Contenances n'a point perdues,
Qui a toutes ses hontes beues.

Charles d'Orléans.