Poésie : Qui ? quoi ? comment ? a qui ? pourquoi
Titre : Qui ? quoi ? comment ? a qui ? pourquoi
Poète : Charles d'Orléans (1394-1465)
Recueil : Rondeaux.
Qui ? quoy ? comment ? a qui ? pourquoy ?
Passez, presens ou avenir,
Quant me viennent en souvenir,
Mon cueur en penser n'est pas coy.
Au fort, plus avant que ne doy
Jamais je ne pense enquerir :
Qui ? quoy ? comment ? a qui ? pourquoy ?
Passez, presens ou avenir.
On s'en puet rapporter a moy
Qui de vivre ay eu beau loisir
Pour bien aprendre et retenir.
Assez ay congneu,je m'en croy :
Qui ? quoy ? comment ? a qui ? pourquoy ?