Poésie : En faictes vous doubte

Titre : En faictes vous doubte

Poète : Charles d'Orléans (1394-1465)

En faictes vous doubte
Que vostre ne soye ?
Se Dieu me doint joye
Au cueur, si suis toute.

Rien ne m'en deboute,
Pour chose que j'oye.
En faictes vous doubte
Que vostre ne soye ?

Dangier et sa route
S'en voisent leur voye (1),
Sans que plus les voye !
Tousjours il m'escoute.
En faictes vous doubte ?


1. Voye : Passent leur chemin.